Pomak u pregovorima Vašingtona i Teherana

Upravo 06:30, dok Vašington i Teheran bilježe nove diplomatske pomake nakon višemjesečne krize, Iran se priprema za državnu sahranu Alija Hamneija uz pojačane mjere bezbjednosti. Istovremeno, nastavljaju se posrednički napori da se postigne dogovor o budućnosti Pojasa Gaze.

Sjedinjene Američke Države i Iran postigli su pomak u indirektnim razgovorima u Dohi i dogovorili nastavak pregovora nakon sahrane nekadašnjeg vrhovnog vođe Islamske Republike, Alija Hamneija. Vašington ističe da je glavni cilj denuklearizacija Irana, a u središtu posljednje runde dijaloga bio je Ormuski moreuz i pitanje buduće naplate putarine kroz taj uski moreuz.

Teheran se priprema za šestodnevnu državnu sahranu Alija Hamneija, koja počinje u subotu i, prema najavama, okupiće milione ljudi i brojne strane delegacije. Zbog bezbjednosnog rizika, aktuelni vrhovni vođa Modžtaba Hamnei neće prisustvovati sahrani svog oca. Odluka je donesena nakon prijetnji iz Izraela.

Diplomatski napori nastavljaju se i u vezi s Pojasom Gaze. Hamas tvrdi da je, uz posredovanje više zemalja, iz predloga sporazuma o budućnosti enklave uklonjen zahtjev za potpunim razoružanjem pokreta.