Dječiji osmijesi na Đurđevom brdu

Manifestacija 'Muške rabote i ženske stvari', koju organizuje BK 'Brđanin', nastavljena je večeras na Đurđevom brdu programom pod nazivom 'Sendviči da se grofovi slade, a buće za Brđane stare i mlade'. Poznati tivatski kulinar Damir Moškov pripremio je tri vrste modernih sendviča inspirisanih tradicionalnim ukusima.

Program je počeo dječjim kutkom, u kojem su najmlađi uživali u slikarskim radionicama sa članovima ULU Tivat, oslikavanju lica i izradi suvenira. Mališani su se upoznali sa pravilima bućanja kroz druženje sa juniorima Bućarskog kluba Brđanin.

Po prvi put na Đurđevom brdu nastupio je vokalni nonet Fiorellini sa Tamarom Fištrič, a nakon njih i Isidora Nikolić i Trio mare benda. Izložbu 'Faculetti i Barete' otvorio je Neven Staničić. Još jedan lijep četvrtak na Đurđevom brdu, ovog puta sa mnogo dječijih osmijeha.