Balendra Šah ostvario prednost na opštim izborima u Nepalu

Reper koji je postao političar, Balendra Šah, sa svojom partijom ostvario je prednost u ranom brojanju glasova na opštim izborima u Nepalu, znatno nadmašivši svoje protivnike, uključujući bivšeg premijera zemlje koji je bio primoran da podnese ostavku nakon istorijskog ustanka predvođenog mladima prošle godine.

Šah (35), bivši gradonačelnik glavnog grada Katmandua, dominirao je trkom za mjesto premijera Nepala tokom kampanje, stičući popularnost širom zemlje. Šahova centristička Rastrija Svatantra Partija, koja je osnovana prije tri godine, vodila je u 37 izbornih mjesta, dok je Komunistička partija Nepala (Ujedinjeni Marksističko-Lenjinistički - UML) bivšeg premijera K P Šarma Olija vodila u tri, pokazali su trendovi ranog brojanja glasova iz izborne komisije jutros. Centristički Nepali Kongres, na čijem čelu je 49-godišnji Gagan Tapa, najstarija partija u zemlji, vodio je u pet izbornih mjesta.