Alžir preokretom do prve pobjede nakon 12 godina

U okviru drugog kola Grupe D Svjetskog prvenstva, reprezentacija Alžira uspjela je da se vrati iz minusa i slavi pobjedu protiv Jordana, čime su ostali u trci za plasman u šesnaestinu finala. O ovom pitanju odlučivaće u posljednjem kolu protiv reprezentacije Austrije. Utakmica je odigrana u Santa Klari, Kalifornija, a završena je rezultatom 2:1 (0:1).

Jordanska ekipa je povela u 36. minutu, kada su napali po lijevoj strani zahvaljujući Abu Tahi. On je uputio povratnu loptu za Tamarija, koji šutira nespretno, ali je upisao asistenciju jer je na loptu naletio Al Rašdan i pogodio mrežu nemoćnog Zidana.

Alžir je izjednačio u 69. minutu, nakon kornera sa desne strane. Fantastičan centaršut Mareza omogućio je pogodak Benbualija za 1:1. Pobjedu Alžiru donosi Guiri u 82. minutu, ponovo zahvaljujući korneru sa desne strane. Do kraja utakmice, Alžir je rutinski zadržao prednost, dok Jordan nije imao kvaliteta da dođe do ozbiljnije šanse. Ova pobjeda predstavlja prvu za Alžir na Mundijalima poslije 12 godina.