Njemačka demolirala Kurasao na Mundijalu rezultatom 7:1

Nije bilo iznenađenja u grupi E na Svjetskom prvenstvu - Njemačka je savladala Kurasao 7:1 (3:1) u utakmici igranoj danas u Hjustonu.

Njemci su odmah na početku preuzeli konce igre, te poveli u 5. minutu, odličnim udarcem Feliksa Nmeče. I onda šok – u 21. minutu Kurasao je izjednačio preko Livane Komenensije, koji je preciznim udarcem prevario golmana Manuela Nojera. To je ujedno ekipi koju sa klupe predvodi Dik Advokat bio prvi gol na Mundijalima.

Njemačka je potom iskoristila inicijativu i ponovo povela u 38. minutu – Šloterbek je nakon kornera glavom smjestio loptu u mrežu. Njemci su do kraja poluvremena povisili na 3:1. Precizan je sa bijele tačke bio Kai Haverc, u četvrtom minutu sudijske nadoknade.

Izabranici Julijana Nagelsmana su odmah po početku drugog nastavka povećali prednost - ovaj put je Musijala bio precizan u 47. minutu, na asistenciju Kimiha. Na 5:1 povisio je Netanijel Braun u 68. minutu, a na 6:1 deset minuta kasnije Deniz Undav, a u 88. ponovo Haverc, što je bio konačan rezultat utakmice.