Sutjeska u Skoplju protiv TFT-a: Utakmica polufinala ABA2 lige

Sutjeska od 18h u Skoplju protiv TFT-a traži pobjedu, kako bi ovu seriju vratila u Nikšić. Ekipa je u prvom meču poražena na domaćem terenu 93:88. Kako se u polufinalu regionalnog takmičenja igra na dvije pobjede, jasno je da Sutjeska sjutra mora da pobijedi, kako bi produžila seriju i u majstorici u Nikšiću pokušala da izbori finale.

"Mi ćemo tu utakmicu da pobijedimo. Poštujemo TFT, sjajni su ljudi, igrači i trener su sjajni, od srca mislim sve najbolje o njima. Idemo u Skoplje da tu utakmicu pobijedimo", rekao je trener, Marko Simonović. Ekipa je analizirala prethodnu utakmicu i sve će učiniti da dođe do potrebnog trijumfa.

"Imali smo vremena da pogledamo prethodnu utakmicu koju smo izgubili. Da vidimo gdje smo griješili, loše smo igrali u odbrani. Imamo vremena to da ispravimo. Nadam se pobjedi na gostovanju u Skoplju", poručio je Miloš Vujović.