Ronaldov Al Nasr na +8, titula sve bliža!

Kristijano Ronaldo još čeka na prvu titulu u saudijskoj ligi, ali kako stvari stoje to bi uskoro moglo da se promijeni. Al Nasr je večeras u Rijadu napravio ogroman korak ka šampionskom peharu, pošto je savladao Al Etifak minimalnim rezultatom 1:0. Tim iz prijestonice sada ima velikih +8 u odnosu na najbližeg pratioca Al Hilal, doduše uz utakmicu više, ali je jasno da drži konce u svojim rukama.

Pitanje pobjednika riješio je Kingsli Koman, koji je sredinom prvog poluvremena efektno pogodio i krunisao dominaciju domaćina. Ronaldo je predvodio napad Al Nasra, a teren je napustio u 89. minutu, kada je dobio ovacije sa tribina.

"Sve miriše na istoriju – ako Al Nasr zadrži ritam, Portugalac će konačno čekirati i Saudijsku Arabiju na listi osvojenih liga."