Mirković sa Ilinojem prošao u osminu finala „Martovskog ludila“

David Mirković je sa Ilinojem preskočio drugu prepreku u „Martovskom ludilu“, jer je tim crnogorskog košarkaša bez problema savladao VKU Remse rezultatom 76:55 i plasirao se u osminu finala završnog turnira.

Mirković je, kao starter, za 23 minuta igre upisao sedam poena (8-3 iz igre, 5-2 za tri poena), pet skokova (dva u napadu) i četiri asistencije. Ilinoj je do pobjede predvodio Andrej Stojaković, sin nekadašnjeg sjajnog beka šutera Predraga-Peđe Stojakovića, sa 21 poenom. Odličan je bio i Tomislav Ivišić, kao i Mirković bivši igrač SC Derbija, sa 14 poena uz 11 skokova, a njegov brat blizanac, Zvonimir, je imao dva poena i četiri skoka.

Ilinoj će u osmini finala igrati sa Hjustonom.