Inter bez pobjede i u Firenci, trka za Skudeto dobija na neizvjesnosti

Inter je večeras remizirao 1:1 na gostovanju Fiorentini, što mu je treća uzastopna utakmica u Seriji A bez pobjede. Krajem februara djelovalo je da će se Inter prošetati do Skudeta, međutim, sada trka dobija na neizvjesnosti, jer pored Milana, prijeti im i Napoli.

Početak meča na Frankiju bio je spektakularan za goste zahvaljujući brzom golu Espozita, ali je Fiorentina uspjela da preko Ndura izbori remi. Sada Inter na čelu tabele ima 69 bodova, dok Milan ima 63, a Napoli 62. Do kraja prvenstva ostalo je još osam rundi, a naredni test za ekipu Kristijana Kivua biće vrlo izazovan – meč sa šestoplasiranom Romom, koja je danas sa 1:0 porazila Leće.