Veliki požar u naselju Gornje Pode ugašen uz pomoć vatrogasaca

U naselju Gornje Pode na planini Lisinj izbio je veliki požar koji se mogao vidjeti iz većeg dijela Bara. Prema nezvaničnim informacijama iz Službe zaštite i spašavanja Bar, požar je zahvatio suvo, nisko rastinje, a pravovremenom reakcijom vatrogasaca ugašen je tokom noći.

Na terenu je bilo više vatrogasnih ekipa, s nekoliko vozila, koje su dežurale vatrom zahvaćeno područje do ranih jutarnjih časova. Kiša koja je počela da pada nakon ponoći takođe je doprinijela lokalizaciji požara, koji je izbio kratko nakon izbijanja vatre u tom dijelu Bara.