Nevrijeme na Kosovu: Vjetar nosio krovove, rušio stabla i uništavao vozila

Vremenske nepogode u našoj regiji nijesu mimoišle ni Kosovo, gdje je bilo i veće štete. Najgore je bilo u centralnom dijelu te države. Kako prenose kosovski mediji, u mjestu Suva Reka vjetar je nosio krovove. U centru tog grada, veći krov pao je na kolovoz i pritom je oštećeno više vozila. Pukom srećom su izbjegnute teže posljedice, pošto na trotoaru u tim momentima nije bilo prolaznika.

U mjestu Brezovica vjetar je obarao stabla, a tom prilikom uništena su tri automobila. Za sada nema informacija o povrijeđenim građanima.