Državljani Velike Britanije dobijaju bezvizni režim za putovanja u Kinu

Premijer Velike Britanije Kir Starmer sastao se danas u Pekingu sa kineskim liderom Si Đinpingom, gdje su dogovorili više sporazuma, uključujući i onaj prema kom će građani Ujedinjenog Kraljevstva koji idu u Kinu poslovno ili kao turisti, moći da putuju bez vize za boravke kraće od 30 dana.

Starmer je naveo da je sastanak, koji je trajao sat i 20 minuta, bio produktivan i da je donio „stvarne, konkretne rezultate“. Ovim sporazumom, Ujedinjeno Kraljevstvo se usklađuje sa drugim zemljama, uključujući Francusku, Njemačku i Austriju.

Nije naveden datum kada će ovaj bezvizni režim stupiti na snagu, ali se vlada nada da će se to desiti što je prije moguće, prenosi BBC.