Igor Tudor na meti dva kluba iz Serije A

Hrvatski stručnjak Igor Tudor je bez angažmana od raskida saradnje sa Totenhemom pre dva mjeseca. Tudor pregovara sa dva kluba iz Serije A, objavio je fudbalski insajder Nikolo Šira.

Nije otkriveno o kojim italijanskim prvoligašima se radi. Tudor je kao igrač gotovo 10 godina nastupao za Sijenu i Juventus, a u svojoj trenerskoj karijeri vodio je četiri kluba iz ove zemlje: Udineze, Veronu, Lacio i Juventus. Na klupi Totenhema zadržao se rekordno kratko, mjesec i po, a za sedam utakmica upisao je jednu pobjedu, jedan remi i pet poraza.