Sutjeska gostuje SC Derbiju u polufinalu

Košarkaši Sutjeske gostuju ekipi SC Derbija u polufinalu, a meč počinje u 19.30 h. Plasman u finale izboriće ekipa koja u seriji ostvari dvije pobjede.

Trener Marko Simonović je rekao: “Očekuje nas utakmica protiv izuzetne ekipe, koja ima sjajan kvalitet i odličnog trenera. Rezultati u ABA ligi nisu realni, mislim da je splet nesrećnih okolnosti na to uticao. Mislim da su zaslužili bolji plasman i od srca im želim da ostvare ambicije koje imaju u ABA ligi. Što se nas tiče – mi želimo da odigramo dobru utakmicu, da probamo da primijenimo sve ono što smo trenirali. Neće biti lako, oni su rang iznad i ekipa koja je ispred nas. Želim da odigramo dobru utakmicu. Imamo problema sa povredama, ali ćemo se skupiti.”

Balša Živanović je poručio da ekipa planira da pruži maksimum: “Nema razloga da ne odigramo dobru utakmicu. Imamo kadrovskih problema, ali ćemo dati maksimum i pokušati da dođemo do pobjede.”