Aleksa Ilić na devetom mjestu po broju blokada u ABA ligi

Kapiten SC Derbija, Aleksa Ilić, izbio je na deveto mjesto po broju blokada u ABA ligi nakon što je, uz zvuk sirene, blokirao šut Vendelu Grinu, čime je donio pobjedu „studentima“ u Ljubljani rezultatom 75:74. Ova pobjeda je bila ključna u borbi za opstanak u ABA ligi.

Iliću je to bila druga blokada na meču u maloj dvorani „Tivolija“, a sa ovim blokadama se popeo na devetu poziciju sa ukupno 125 blokada, ostavivši iza sebe Smiljana Paviča koji ima 124 blokade. Najbliži mu je osmoplasirani Boban Marjanović, bivši NBA igrač, koji ima 127 blokada, a tri je ostvario upravo protiv SC Derbija.

Na vrhu liste je Uroš Luković sa 283 blokade, dok su među najboljim deset još dvojica crnogorskih košarkaša: Slavko Vraneš sa 272 na drugom mjestu i Zoran Nikolić sa 138 na šestom. Ove sezone, Ilić je najbolji igrač SC Derbija sa prosjekom od 15,2 poena, osam skokova i 1,6 blokada po meču.

Pobjedom protiv Ilirije, koja je treća uzastopna u ABA ligi, SC Derbi je kolo prije kraja osigurao barem baraž za opstanak. Ukoliko pobijede Zadar u posljednjem kolu, uz povoljan epilog ostalih mečeva, Podgoričani bi mogli do direktnog opstanka u regionalnom takmičenju.