Juve savladao Bolonju i upisao treću pobjedu zaredom

Fudbaleri Juventusa savladali su večeras na domaćem terenu Bolonju rezultatom 2:0 u 33. kolu Serije A. Ekipa iz Torina je tako upisala treću pobjedu zaredom i trenutno se nalazi na četvrtom mjestu, sa tri boda manje od Milana i Napolija, a pet više od Koma.

Juve je poveo već u drugom minutu, kada je sa desne strane loptu u peterac ubacio Kalulu, a gol postigao Dejvid. Sredinom prvog dijela domaćin je imao dvije velike šanse: prvo je Konseisao izašao sam ispred Ravalje, ali je bio neprecizan, a zatim je Holm pogodio prečku.

Konačan rezultat postavljen je u 57. minutu, kada je Mekeni centrirao, a mrežu zatresao Tiram. Nakon toga, Bolonja je imala priliku da dođe do gola, ali Rou nije iskoristio najbolju šansu, pogodivši stativu.