Snajder bez milosti: Kamavinga je idiot, on je kriv za ispadanje Reala

Nakon eliminacije Real Madrid iz Lige šampiona, u klubu su oštro kritikovali sudiju Slavko Vinčić, ali bivši igrač “kraljevskog kluba” Vesli Snajder smatra da je glavni krivac Eduardo Kamavinga.

Real je u Minhenu vodio 3:2 sve do 86. minuta, kada je Kamavinga dobio drugi žuti karton i isključenje. Samo tri minuta kasnije, Bajern Minhen je izjednačio preko Luisa Dijaza, a u nadoknadi je Majkl Olise donio pobjedu i plasman u polufinale.

Madriđani su smatrali da je odluka sudije bila prestroga, jer je Kamavinga nakon prekršaja pomjerio loptu i zbog toga dobio drugi žuti karton. Ipak, Snajder nije imao razumijevanja za takav potez. „Glupi idiote! Radiš ovo nakon što si već dobio žuti karton. Na ovom nivou, to je jednostavno glupo. Znate li šta bi igrači Reala trebalo da urade? Da sav bijes istresu na njega, a ne na sudiju“, poručio je Snajder za Ziggo Sport.