SC Derbi ima priliku da se odlijepi od Splita

SC Derbi ponovo ima priliku da se odlijepi od Splita, pošto je fenjeraš poražen od Zadra rezultatom 79:59 u utakmici 6. kola plej-aut faze ABA lige. “Studenti”, koji poput Splita imaju pet pobjeda od starta sezone, u ponedjeljak će odmjeriti snage sa Krkom i eventualnom pobjedom napraviti krupak korak ka izbjegavanju direktne selidbe u niži rang.

Podsjećamo, ekipa Petra Mijovića ima bolji međusobni skor od Splita. Iako je skoro prespavao prvo poluvrijeme, naš Vladimir Mihailović bio je sjajan u nastavku. Sa ukupno 24 poena ponovo je bio lider Zadra, koji je devetom pobjedom u sezoni došao u situaciju da razmišlja o plej-inu.