Velika pobjeda Denvera, Jokić sa tripl-dablom, Marej junak večeri

Nikola Jokić, centar Denver Nagetsa, vodio je tim iz Kolorada do pobjede nad Dalas Maveriksima rezultatom 142:135 još jednom nestvarnom partijom. Jokić je postao prvi igrač koji je u dvije uzastopne utakmice došao do 15+ poena, 15+ skokova i 15+ asistencija. Ovo veče je upisao 23 poena, 21 skok i 19 (rekord sezone) dodavanja.

Ipak, ovo veče je zapravo pripalo Džamalu Mareju koji je postigao 53 poena i nosi velike zasluge za trijumf Nagetsa. Denver je ključnu prednost napravio u finišu, kada su Jokić i Marej serijom poena i asistencija odbili nalet Dalasa, koji je prethodno prišao na samo poen zaostatka.

Kod Maveriksa su se istakli Kuper Fleg sa 26 i Nadži Maršal sa 22 poena, ali to nije bilo dovoljno da se izbjegne novi poraz, čak peti u nizu. Nagetsi su ovom pobjedom stigli do četvrte uzastopne i nastavljaju borbu za vrh Zapadne konferencije. Dalas je na 13. mjestu sa 23-50 i sprema se za odlazak u Portland i okršaj sa Trejlblejzersima.