Šavnik: Uspjeh karatistkinja na turniru “Bosna Open”

Na turniru "Bosna Open", koji je okupio više od 1200 takmičara iz deset zemalja, takmičarke Karate kluba “Šavnik” predvođene trenerom Nikolom Malovićem ostvarile su izvanredan rezultat. Sa tog prestižnog turnira u svoj grad se vraćaju sa dvije osvojene medalje.

Osvojile su ih sestre Janković, Jelena zlatnu a Jovana srebrnu. I Maša Dragojević zauzela je visoko peto mjesto, uz tri pobjede. Na turniru je nastupilo ukupno osam takmičarki iz Šavnika, koje su svojim nastupom ostavile snažan utisak i na najbolji način predstavile svoj klub i grad.