Arteta: Dauman je promijenio tok meča protiv Evertona

Menadžer Arsenala Mikel Arteta je gol Maksa Daumana u pobjedi nad Evertonom 2:0 opisao kao 'magični trenutak'. 'Tobdžije' su se približile prvoj tituli u Premijer ligi poslije 22 godine. Dauman je postavio novi rekord kao najmlađi strijelac u istoriji Premijer lige sa 16 godina i 73 dana. On je pogodio u nadoknadi i postavio konačan rezultat, a učestvovao je u akciji kod prvog gola.

Arteta je rekao: 'Bio je to sjajan trenutak, posebno s obzirom na način na koji se gol postigao. Imali smo 10 ili 15 sekundi da zaista uživamo u onome što će se desiti.' Dodao je: 'Bilo je magično, svi igrači sa klupe i zajedno su skakali sa publikom, bio je to prelijep dan.' Arsenal ima deset poena prednosti nad Mančester Sitijem, koji ima dvije utakmice manje.

Međutim, ne po prvi put ove sezone, Artetini igrači su bili bez ideje sve do Daumanovog ulaska sa klupe 16 minuta prije kraja utakmice. 'On je mijenjao igru svaki put kada bi dobio loptu i mi smo bili opasniji. Uraditi to u tim godinama, u ovom kontekstu, sa pritiskom i očekivanjima da se pobijedi, jednostavno nije normalno', kazao je Arteta.