Bajern dominirao, ali strahovao protiv Ajntrahta – Borusija u 95. izbjegla poraz

Bajern Minhen je opravdao ulogu favorita u duelu sa Ajntrahtom, iako je meč okončan rezultatom 3:2, nakon što su vodili 3:0 dvadesetak minuta prije kraja. Rani gol Pavlovića, kao i dva pogotka Kejna, donijeli su Bajernu prednost, ali je situacija postala napeta kada je Kejn u 77. minutu skrivio penal koji je Burkart pretvorio u 3:1.

U 86. minutu, Kalimuendo je smanjio rezultat na 3:2, ali su gosti iz Frankfurta ostali na tome. Bajern trenutno ima 60 bodova na prvom mjestu, sa osam bodova prednosti ispred Borusije Dortmund. Borusija se spasila poraza u Lajpcigu, gdje je završilo 2:2, a remi im je u 95. minutu donio Silva, nakon što su 'Bikovi' vodili sa 2:0.