Čelsi i Aston Vila slavili na gostovanjima u Premijer ligi

Fudbaleri Čelsija, Aston Vile i Notingem Foresta upisali su pobjede u mečevima 23. kola Premijer lige. U londonskom derbiju, "plavci" su nadigrali Kristal Palas na gostovanju na "Selhurts Parku" rezultatom 3:1. Apsolutni heroj tima Lijama Roseniora bio je Estevao, koji je donio timu i drugu pobjedu u engleskom šampionatu u mandatu novog trenera.

Brazilac je učestvovao sa golom i asistencijom u prva dva gola gostiju. Najprije je iskoristio Kanvoa koji je poslao povratnu loptu bez gledanja. Estevao je istrčao solo kontru i lako završio taj napad u 34. minutu igre. U nastavku je sjajno kombinovao sa Žoaom Pedrom, odigravši brzi dupli pas sa sunarodnikom poslije kojeg je ovaj završio akciju. Na 3:0 povisio je Enco Fernandes u 64. minutu sa "bijele tačke", da bi u 72. Adam Vorton dobio drugi žuti karton i u potpunosti anulirao bilo kakvu šansu svog tima. Čelsi je barem privremeno četvrtoplasirani tim lige.

U drugim mečevima dana, Vest Hem je pobijedio Sanderlend rezultatom 3:1, Barnli je remizirao sa Totenhemom 2:2, dok je Fulam slavio protiv Brajtona rezultatom 2:1. Mančester Siti je savladao Vulerhempton 2:0, dok je Bornmut pobijedio Liverpul sa 3:2. U nedjelju, Brentford je izgubio od Notingem Foresta 0:2, a Kristal Palas je izgubio od Čelsija rezultatom 1:3. Aston Vila je pobijedila Njukasl sa 2:0, a Arsenal i Mančester Junajted odigraće meč u ponedjeljak.