Siti najbolje sačuvao za kraj - preokret "građana" protiv Bornmuta

Mančester Siti je upisao tri boda na startu sezone u Premijer ligi. "Građani" su do pobjede došli protiv Bornmuta na "Etihadu" rezultatom 2:1 u meču u kojem su promašili mnogo šansi prije nego su sve naplatili u posljednjih desetak minuta.

Siti je morao da povede u prvom poluvremenu, ali su to uradili gosti preko Tavernijea. Dugo je na semaforu stajalo 0:1 i kada je izgledalo da je Siti ispucao sve što je imao, uslijedio je korner Šerkija i pogodak Geija u 84. minutu. Siti je tražio preokret i našao ga je u prvom minutu sudijske nadoknade, kada je opet asistent bio Šerki, a mrežu je zatresao Gvardiol.

Debakl je na premijeri doživjela Aston Vila koja je poražena u Brajtonu rezultatom 4:0, taj rezultat je bio na snazi već poslije pola sata.