Cijene povrća na pijaci: Kilogram mladog luka pet eura

Na zelenoj pijaci u TC 'Bazar' u Podgorici, kilogram mladog luka juče se mogao kupiti za pet eura. Za bijeli luk potrebno je izdvojiti dva eura više, dok je crni luk po kilogramu tri eura.

Prodavci su u ponudi imali i paradajz koji košta 3,50 eura, dok je krastavac 50 centi jeftiniji. Kilogram krompira se mogao kupiti od euro do 1,20 eura, dok je šargarepa imala cijenu od 1,50 do dva eura.

Patlidžan košta 3,50 eura, blitva dva, a salata tri eura. Mladi kupus prodaje se za dva eura, a šampinjoni su u istom cjenovnom rangu. Za pasulj je potrebno izdvojiti od četiri do pet eura, dok vezica peršuna košta od 30 do 50 centi.

Jabuke su se mogle kupiti po cijeni od dva do 2,50 eura, dok su banane od 1,50 do dva eura. Kruške su zadržale cijenu i kilogram košta 3,50 eura. Pomorandže su nuđene za dva, a limun za tri eura.

Na tezgama su se mogle naći i jagode koje koštaju od šest do sedam eura. Cijene mliječnih proizvoda su ostale nepromijenjene. Pljevaljski sir se može kupiti od 8,50 do deset eura, a morački sir je 12 eura. Polumasni mladi sir košta 3,90 eura, dok se mladi sir prodaje od 6,50 do sedam eura. Koziji sir košta 13 eura, dok su mrve za pitu 6,50 eura.